ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

8 წელი ევროპაში ვცხოვრობდი. თავი უკვე ევროპელი მეგონა...
- "მომიყევი შენი პირველი სექსის შესახებ" - მკითხა რენატემ, რომელიც ჩემს გვერდით იწვა, ჩემს ხელზე ედო ლოყა და პერიოდულად ხელის გულზე მკოცნიდა.  მსიამოვნებდა მისი თბილი შიშველი სხეული..
- "პირველი სექსი..." - ვთქვი და ჩავფიქრდი... ჩემი გონება ევროპიდან გაფრინდა თბილისში, 1996 წელში, როდესაც მე და ჩემმა ძმაკაცმა აჩიკომ გადავწყვიტეთ "დავაჟკაცება". 50 წელს გადაცილებული მევიოლინე ქალი, რომლის ოფიციალური შემოსავალი თვეში 25 ლარს არ აღემატებოდა იძულებული გახდა პატარა ბიჭების "დავაჟკაცებით" მოეპოვებინა თავისი საზრდო. მისი ბიზნესი წარმატებული იყო. ამას იმით მივხვდით, რომ რიგში მოგვიწია ლოდინი.
ელზა უშნო იყო, ტანიც და სახეც რემბრანტის ნახატს უგავდა. "საქმე" არ იცოდა. ამას მაშინ ვერ ვხვდებოდი და ჩემი ბრალი მეგონა, რომ არ გამოდიოდა არაფერი, თუმცა ახლანდელი გადმოსახედიდან რომ ვიხსენებ ვხვდები, რომ მისი ბრალი ყოფილა. ბოლოს მაინც გამოვიდა და მიუხედავად უამრავი ნეგატიური გარემოებისა მაინც კმაყოფილი წამოვედი მისი 2 ოთახიანი ხრუშოვკიდან...
ელზა, რომ ევროპაში დაბადებულიყო შესაძლებელია ვიოლინო ყოფილიყო მისი მთავარი შემოსავლის წყარო, ვინ იცის...
- "არ მახსოვს ჩემი პირველი სექსი რენატე" - ვუპასუხე და თვალებზე ვაკოცე.