მიყვარხარ, მიყვარხარ, მიყვარხარ,მიყვარხარ!
სამყაროს მოვდებ და ხმას ზეცას ავაწვდენ,
ისე გაგახელებ, შენს სუნთქვას ვფიცავარ,
ჩვენი სიყვარული ცასაც რომ გადასცდეს,
რომ მზერას დააჩნდეს თამამი ფერები,
ვნება რომ აჟღერდეს თავხედურ ფიქრებად,
ბაგეზე დაგეტყოს სიწითლედ ბგერები,
ოცნება აშარდეს არეულ სიზმრებად,
რომ აყვეს სიზმრებსაც ცხოვრება ჩვეული
და ირეალურად აცეკვდეს სიმართლე,
რომ წრფელ ლოცვას ჰგავდეს სულ გადარეული
ჩვენი სამოთხე და გულების სინათლე,
რომ ფეთქდეს გრძნობები, წყურვილს ვერ იკლავდეს
და ვერ გიფარავდეს სურვილსაც სხეული,
რომ ღამეს სიგიჟეს ვპარავდეთ ცისკრამდე
მერე კი ალიონს გავჩნდეთ სამეული...
ჰო, ასე დაგათრობ, დაგიდნობ სირცხვილებს,
ასე "ჭორაობით" გაგანდობ ვინცა ვარ
და მერე ბახუსზე ორივე ვიყვირებთ
მიყვარხარ, მიყვარხარ, მიყვარხარ,მიყვარხარ!