შორისდებულებს შორის ჩავრჩი,
ასეთი ნამრავალწერტილარი...
ხსოვნა მაწვდის გრძნობების სარჩევს,
ჰორიზონტალშიც და ვერტიკალშიც.
ხუთივე გრძნობამ ყური ცქვიტა,
იქნებ, რამ გამოჩნდეს სახეირო.
ცრის წვიმა ნაღველს მრუმე ციდან,
თავში კოჭლი აზრი დახეიბრობს...
"არაუშავს რა" განწყობებით
თითქოს სიმარტოვეს ვამარტივებ.
მიაც-მოაცა ნაცნობები
"მახსოვს" შარშანდელი რვა მარტივით...
წვიმამ გააგორა კამათელი,
ცხვირჩამოშვებულ სახურავზე.
მეჯდა სიმარტოვე კაბასველი,
მე ხსოვნის სითბოს ვახურავდი...
უჰ-ს და ეჰ-ს შორის მანძილს ვზომავ.
ტკივილ-სიხარული დაძმებია...
ნების გამწევი ძალა ხომ არ?
კარს როცა შესდექო - აწერია...
      02.09.15