კარი მეშვიდე

                                იაკობი

                                              ,,...იაკობი იყო სრული კაცი, კარვებში მცხოვრები.’’
                                                                                                            დაბ. 25.27.

              ცის კარიბჭე სასთუმლად...
                                                              ,,ესიზმრა: მიწაზე კიბე დგას და თავით ცას სწვდება;
                                                                                      უფლის ანგელოზები ადი-ჩამოდიან...’’
                                                                                                                                  დაბ. 28.12.

შორეულ გზაზე დაღლილს, მეძინა
                                                      და სიზმრად...
თუ თვალი მეხილა...
                                  და ცხადად ვხედავდი...
ცას კიბე იჭერდა
                          და მშვიდი ნარნარით
                                    ანგელოზთ ლაშქარი ადი-ჩადიოდა.
სახეზე ნეტარი ღიმილი ეფინათ...
                                                      და უფლის ნათქვამი:
,,ეს მიწა უხნავი,
                          უდაბნო ურწყული,
                                                          ქვეყანა ნანატრი,
          შენს მოდგმას აღვუთქვი!...
შენთან ვარ!...
                      ყველგან ვარ!...
                                              ფრთებით დაგიფარავ!...’’
ზარივით რეკავდა,
                              და სულს მიფხიზლებდა...
თვალი ამეხილა...
                              გული შემიქანდა...
სიზმარი იყო...
                        თუ ცხადად მომეჩვენა?!...
სასთუმლის ლოდს ზეთი კრძალვით დავაღვარე
              და სვეტად ავღმართე!
                    უფალი აქ არი!
შიშმა ამიტანა...
                          ღვთის სახლის კარიბჭე
                                                        სასთუმლად მებოძა?!...
და ხილვა წარმტაცი...
                კიბე, ანგელოზთა იდუმალ ნარნარით...
                                                          ნუთუ იქ მიწვევდა?!...
ეს არის ნიშანი!...
                                უფალმა დამლოცა.                 
                                                                        2007წ. 3 თებერვალი.



                                ტყუპები

                                                      ,,მოაწია მშობიარობის ჟამმა და,
                                                        ჰა, ტყუპები არიან მის მუცელში.”
                                                                                            დაბ. 25.24.

იმ დღესაც ნუში თეთრად ყვაოდა...

          უკვე მეოცედ!...
რაც პირველად გიხილე, ჩემო...
                                    ნუშივით ამო...

...იმ დღესაც ნუში თეთრად ყვაოდა...

როცა უფალმა -- ესავი და იაკობი --
    ტყუპი ვაჟი ერთად გვაჩუქა!...

... იმ დღესაც ნუში თეთრად ყვაოდა...

იაკობი
      წითელბალნიან ესავს ქუსლზე მოსჭიდებოდა,
                                                              როცა გამოჩნდა...

... იმ დღესაც ნუში თეთრად ყვაოდა...

ოცწლიანი უფლის აღთქმა, როცა აღსრულდა.

                                                                      2007წ. 3 თებერვალი.

              (გაგრძელება იქნება)