ქალი,
მხოლოდ ვნება,
უსიყვარულოდ.
ქალი, რომელიც სიხარულის ნიღაბს ატარებს.
ქალი,რომელსაც უჭედავენ ფერად დარაბებს.
რომლის ქუჩასაც ნისლისფერი აღარ უხდება,
რომლის სარკმლიდან ცა შავია,
აღარ ლურჯდება.
რომლის სიყვარულს მიაფურთხეს,
გადააშენეს,
ახლის ნაყოფსაც გაუკეთეს მწარე აბორტი.
ქალი,რომელიც ყველას სჯობდა,
მაგრამ აჯობეს.
ქალი,რომელმაც დარდი მალა
თავის ლაყბობით.
ქალი,რომელსაც ნისლისფერი აღარ უხდება,
ქალი,ვისთვისაც მზე,
ყველაზე გვიან ამოდის...