ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

მასხარა – ამ სიტყვას რომ ვამბობთ, არასდროს ვუკვირდებით თუ რამდენი დატვირთვა შეიძლება ჰქონდეს  და რამდენ სფეროს შეიძლება მოიცავდეს.  პირველი ყოველთვის  რაც თავში მოგვდის, ეს არის,  იგივე ცირკის ჯამბაზი,  მაგრამ ჩემთვის ეს გაცილებით მეტია, ვიდრე უბრალო ჯამბაზი და ცოტა შეურაწმყოფელიც კია მისთვის ამ სახელის  წოდება

ჩემთვის მასხარაა :

ყველა პოლიტიკოსი (მთელი თავისი დაპირებებით და სარკეში დიდხანს შერჩეული გამომეტყველებით, რომელიც რა თქმა უნდა ემსახურება ერთადერთ დიად მიზანს – მოიპოვოს ხალხის ნდობა და  კეთილგანწყობა, რაც შეიძლება ხანგძლივი ვადით, რომ მომავალში ჰქონდეს გარანტირებული  გარკვეული ბიუჯეტი, რომელიც  უზრუნველყოფს მის ოჯახს ასევე  ხანგძლივი ვადით)

ე.წ. "კანონიერი ქურდები"  მთელი თავისი დამქაშებით (რომელსაც რაღაც იღბლიანი დღის წყალობით ეწოდა ეს სახელი და ამით მიენიჭა კიდეც განუსაზღვრელი ძალაუფლება ყველგან და ყველაფერზე, მე კი დღემდე არ მესმის რატომ წყვეტს  ეს გაუნათლებელი, კაცად წოდებული არაკაცი სხვის საქმეებს და რატომ არ აქვთ სულ ცოტა თავმოყვარეობა და ამბიცია  და რატომ აძლევენ ამდენის უფლებას ასევე მათნაირი  "პერსპექტიული"  ნაძირლები . ალბათ არაკაცობაც სხვადასხვაგვარია და  საფეხურებს მოიცავს, ზოგი აღწევს მწვერვალს, ზოგი ვერა)

გეი (რომელიც პარადით ცდილობს თავის დამკვიდრებას საზოგადოებაში, თუმცა არაჩვეულებრივად იცის საბოლოო" შედეგი)

ტრადიციებზე აღზრდილი "ვაჟკაცი" (რომელიც ზემოთხსენებული პარადის დარბევით ამტკიცებს თავის ტრადიციულ ორიენტაციას და ასევე მართმადიდებლურს სულისკვეთებას)

მოძღვარი  ( მისთვის შეუფერებელი  მოწოდებებით და ურთიერთგამომრიცხავი განცხადებებით . ჯიპზე შემომჯდარი და ანაფორის ქვეშ ბოლო მოდაზე "გაზმანული"  რომელიც გამუდმებით გვასწავლის მოყვასის სიყვარულს და მოგვიწოდებს ამის  საქმით დამტკიცებას – ტელევიზიებით, სარეკლამო ბუკლეტებით (რომელიც არაერთი ათასი ჯდება და რომელიც ბევრ ადამიანს წაადგება) მრევლის სახლებში შემოვარდნით ამა თუ იმ ეკლესია–მონასტრის მშენებლობის დასაფინანსებლად და უპოვართა დასაპურებლად  , საბოლოო ჯამში კი ვის ხმარდება "ერთმა ღმერთმა" იცის, თუმცა საღი თვალისთვის ფაქტები ყველაფრზე მეტყველებს)

ქმარი (რომელიც ცოლს ღალატობს იაფფასიან ან თუნდაც ძვირფასიან, მაგრამ მაინც  კახპასთან, მხოლოდ იმიტომ ძმაკაცებს დაუმტკიცოს თავის " უსაზღვრო  პოტენციალი" ამ დროს კი სახლში  უკეთესი ცოლი ჰყავს და მასთან სექსი გაცილებით უსაფრთხოა და იაფიც)

ცოლი (სამსახურიდან მოსულ დაღლილ ქმარს რომ ცხელი წყლით და ტაშტით მივარდება ფეხების დასაბანად, სწრაფად გაუწყობს სუფრას ახალგამომცხვარი ჭადებით .  ქმარი  ბედნიერია – გაუმართლა არჩევანში და მისი შრომაც ფასდება. მერე დღეს კი მწვანილის საყიდლად 100 ლარიანით წასული ცოლი ფულს კარგავს , სავარაუდოდ საყვარლის ჯიბეში და ეს  კვირაში ერთხელ მეორდება (მეზობლის მაგალითზე გამახსენდა, თუმცა ასეთი ოჯახები ვიცი რომ უამრავია) )

ათეისტი ("პონტის" გამო, რეალურად კი, არც კი იცის ამ სიტყვის სრული მნიშვნელობა)

მართლმადიდებელი ქრისტიანი  (რომელიც ვერ გარკვეულა რას მოითხოვს მისგან მრწამსი ,მაგრამ მაინც მართლმადიდებელია, აბა იაღოველი ხომ არ იქნება?!)

ქალიშვილი (გაკერილი საქალწულე აბკით)

ვაჟიშვილი (რომელიც არაქალიშვილს ცოლად არ მოიყვანს , მხოლოდ იმიტომ რომ ეს ტრადიციებს ეწინააღმდეგება და საბოლოო ჯამში ხელში რჩება ზემოთხსენებული "ქალიშვილი")

უიმედოდ შეყვარებული სიყვარულის მათხოვარი – აქ სქესს მნიშვნელობა არ აქვს (რომელიც მზადაა  დათმოს ყველაფერი ადამიანისთვის, რომელიც ამას არ იმსახურებს)

უნიჭო პოეტი რითმას მოკლებული (თუნდაც აქ ... რომელიც დადებითად შეაფასეს მხოლოდ იმიტომ რომ "ვალი დააბრუნოს" ისიც რა თქმა უნდა ბრიყვდება და რეიტინგს აძლევს თავისნაირ ბრიყვს და ასე მრავლდებიან ბრიყვი "ნიჭიერი  პოეტები")

ნარკოტიკზე და ალკოჰოლზე დამოკიდებული ადამიანი  (რომელსაც დაუკარგავს  ყოველგვარი ღირსების შეგრძნება და პიროვნების ინდივიდუალურობის დამადასტურებელი  შინაგანი "მე" ) 

უნიჭო მომღერალი (მამის, ქმრის  ან საყვარლის ფინანსებით ამღერებული , რომელსაც მე თუ მკითხავთ ნამდვილად აქვს სამღერლად საქმე, თუკი იმაზე მეტი პრობლემა არ აქვს – ერქვას მომღერალი )

მასხარაა ყველა რეალობას მოწყვეტილი და ობიექტურობას  მოკლებული ადამიანი!

უსასრულოდ შეიძლება გაგრძელდეს ჩამონათვალი, მაგრამ ეს სრულებით საკმარისია, იმისთვის რომ დაგანახოთ თუ რამდენი მასხარაა ყოველდღიურად ჩვენს გარშემო , ჩვენ კი მხოლოდ ერთეულებს ვამჩნევთ და ისიც მხოლოდ მათ – ჭრელსამოსიანებს და სახეშეღებილებს , რომლებსაც ვინ იცის, იქნებ სულ არ სიამოვნებთ მასხარის პოზიცია, მაგრამ დიდი არჩევანი არ აქვთ, ეს მათთვის პროფესიაა, თავის გადარჩენის ერთადერთი გზა, სხვებისთვის კი ცხოვრების განუყოფელი ნაწილი.

იქნებ ამიტომ აქვს მასხარას მუდამ სევდიანი სახე...
იქნებ მანაც იცის  ყველაფერი და  ვერაფერს ხდება...