ვუყურებ შენს ხატს და გიყურებ შენ,
ზეციდან მიწაზე ჩამოსულს გხედავ.
მუხლდადრეკილი თამამად ვამბობ:
რა ლამაზი ხარ, ღვთისმშობელო დედავ!

ჩემდა იმედად, ჩემდა საშველად,
შენი ხატის წინ ლოცვასაც ვბედავ.
მკრთალი ღიმილით და თვალთა სევდით
როგორი სათნო ხარ, ღვთისმშობელო დედავ!

შენი სიწმინდის მსგავსი მარცვალი
ჩემშიაც იყოს, მეც მქონდეს ნეტავ.
ყველას მეოხი, ყველას მშობელი,
რა კეთილი ხარ, ღვთისმშობელო დედავ!