შუბლზე თმას მისწორებ
ვგრძნობ ისე მარტო ხარ
და შეხსნილ გულისპირს
მოვყვები თითებით
შენ ჩუმად ქალურად
წითლდები, თვალებში
გინთია ნდობა და
მნებდები, ღამეა...

ფანჯრიდან თბილისის
თვალები გვიყურებს
ხვალ შენ სამეზობლო
გაგჭორავს - ბოზია,
შენ იცი, მნებდები
მნებდები, დამნებდი
თითები გულისპირს
ჩაცდა რახანია

და შიშველ სხეულზე
მეკრობი შიშველი
მეძახი - ადამმმ...
მე გკოცნი უსიტყვოდ,
შენ ისევ - ადამმმ...
მე ვგრძნობ ელიზაბეტ...